20 апреля 2006 г.
Пурнăç çăмăлах мар пулин те, ĕçлекен, мал ĕмĕтлĕ хуçалăхсем ура çинче çирĕп тăраççĕ. Вĕсемех наци проечĕпе патшалăх пулăшăвне илсе, лару-тăрăва татах та лайăхлатма тĕллев лартаççĕ. Çакăн пек хуçалăхсенчен пĕри Ильич яч. хис. хуçалăх. Ял хуçалăхне аталантарас тĕллевпе вĕсем кредит илчĕç ĕнтĕ. Тĕллевĕ вара хуçалăхăн кăçал пысăк энергие перекетлеме май паракан мелсемпе сысна фермине рекунструкцилесшĕн.
Хуçалăх çулсерен ял хуçалăх техникине çĕнетме те вăй çитерет. Иртнĕ çул трактор, универсаллă КПИР-3,6 агрегат илнĕ пулсан, кăçал вĕсем тырпула пухса кĕртме «Енисей» комбайн туянчĕç.
Сăмах май, çакна палăртмалла: иртнĕ çул туса илнĕ ял хуçалăх продукчĕсене сутса 3774 пин тенкĕ тупăш илчĕç. Çулсеренех ÿсен-тăран выльăх-чĕрлĕх продукцине туса илесси те ÿссех пырать.
Источник: "Çĕнтерÿ ялавĕ"