20 апреля 2006 г.
Апрелĕн 1-мĕшĕнче Ярапайкассинчи вăтам шкулăн спорт залĕнче И.Г. Мешаков парнисемшĕн йăлана кĕнĕ спорт ăмăртăвĕсем иртнĕ. Унта мĕн пурĕ 7 команда хутшăннă. Вĕсем волейболла выляссипе, канат туртассине пăшалтан тĕл перессипе ăмăртнă.
Спортсменсене ăнăçусем сунса Ярапайкасси ял тăрăхĕн пуçлăхĕн А.И. Кудряшов, «Лидер» хуçалăх ертÿçи Э.В. Мочалов саламланă.
Ăмăртусем çивĕч кĕрешÿре, хĕрÿ иртнĕ. Пĕрремĕш вырăна «Моргаушрайбыт» команди çĕнсе илнĕ. Иккĕмĕш вырăнта - «Лидер» хуçалăх команди, «Чувашсетьгаз» ООО Муркаш районĕнчи уйрăмĕн команди виççĕмĕш вырăн йышăннă. Çĕнтерÿçĕсене дипломсемпе тата укçан парнесемпе чысланă. Ытти командăсем те хавхалантармалли парнесене тивĕçнĕ.
Ярапайкасси ял тăрăхĕн администрацийĕ ăмăртăва ирттерме пулăшса спонсорла пулăшу панăшăн «Лидер» хуçалăх администрацине, уйрăм предпринимательсене - В.А. Любимова, Э.И. Баранова, Г.В. Щукина чĕререн тав тăвать, хăйсен ĕçĕнче ÿсĕмсем сунать.Источник: "Çĕнтерÿ ялавĕ"