22 февраля 2006 г.
Кăçалхи февралĕн 13-18-мĕшĕсенче Тольятти хулинче бокс енĕпе Раççейри ăмăртăва хутшăнма тивĕç пулассишĕн пĕтĕм Раççейри турнир иртнĕ. Унта 200 яхăн боксер хутшăннă.
Турнира Чăваш Республикинчен 6 çынран тăракан пĕрлештернĕ команда хутшăннă, вĕсенчен иккĕшĕ - Муркаш районĕнчен.
Ăмăрту питĕ çивĕч иртнĕ. Турнирта питĕ лайăх кăтартусемпе 52 килограмлă виçеллĕ спортсмен Сергей Черкашин чемпион ятне çĕнсе илнĕ, Раççейри турнира хутшăнма путевкăна тивĕçнĕ. Тепĕр боксăрĕ, Андрей Тимофеев 54 килограмлă виçепе иккĕмĕш вырăн йышăнма пултарнă. Вĕсене иккĕшне те Дипломсемпе, медальсемпе тата хаклă парнесемпе чысланă.
Раççейри турнир март уйăхĕнче Челябинск хулинче пулать.
Источник: "Çĕнтерÿ ялавĕ"