20 июля 2005 г.
Муркашри централизациленĕ библиотека системи ЧР Культура, национальноçсен ĕçĕсен, информаци политикин тата архив ĕçĕсен министерстви, ЧР наци библиотеки ирттерекен мĕн пур конкурссене хутшăнма тăрăшать.
Июль уйăхĕнче Чăваш Республикинчи Тĕп суйлав комиссийĕ суйлавçăсен гражданла право культурине тата пĕлÿ шайне ÿстерес тĕллевпе конкурс ирттерчĕ. Ăна хуласенчи,районсенчи, ялсенчи муниципаллă йĕркеленÿсен библиотекисем хутшăнчĕç.
Муркашри централизациленĕ библиотека системи. çак конкурса хутшăнса, информаци выставкине йĕркелерĕ. Вăл – «Демократиллĕ обществăри суйлавсем» ятлă, 4 пайран тăрать: « Чăваш Республикинчи суйлав системине – 10 çул»* «Çамрăк суйлавçăна», «Вырăнти самоуправлени органĕсен суйлавĕсем», «Право литератури». Т.В. Иванова библограф «Сире валли, суйлавçăсем» темăпа юлашки 5 çулта тĕп тата вырăнти издательствăсенче пичетлесе кăларнă литература ярăмне хатĕрленĕ. Çавăн пекех хаçатсемпе журналсен статйисем те пур.
Унсăр пуçне Муркашри централизациленĕ библиотека системи халăх хушшинче право культурине сарас тĕлĕшпе нумай тăрăшать, суйлав зоконодательствине ăнлантарассипе те ĕçлет.
Источник: "Çĕнтерÿ ялавĕ"