14 мая 2005 г.
«Ÿкессе пĕлнĕ пулсан тÿшек сарăттăмччĕ», - тет ваттисен сăмахĕ. Çакăнта инкек-синкеке хатĕр пулманни тата, тĕрĕссипе, сыхлав яланлăх кирли курăнать, анчах...
Акă, майăн 5-мĕшĕнче районта икĕ пушар пулчĕ, иккĕшĕнче те вырăнсенчи пушар хуралĕсем «тарăн ыйхăри» палăрчĕ. Москакасси ял администраци территорийĕнчи «Просвещенец» коллективлă садра ирхи 6 сехет тĕлĕнче тухнă пушара «Передовик» хуçалăхăн пушар машини бензин çуккипе (!;) тухайманни «хĕрлĕ автана» икĕ дача çурчĕ «парнелерĕ»: Мăн Сĕнтĕртен, Муркашран, «Оринино» хуçалăхран пулăшу çитнĕ çĕре çулăм икĕ дача çуртне хăй ытамне илчĕ. «Передовик» сахал бензинпа хуралта тăни хуçалăхра мартăн 27-мĕшĕнче выльăх пăхакансен çурчĕ çуннă чух та палăрнăччĕ, анчах кунта тивĕçлĕ пĕтĕмлетÿсем тума васкамаççĕ Пулас. Хăçанччен;
Каçхи 20 сехет те 45 минутра Мичурин яч. хис. хуçалăхра Турханти çĕр улми хранилищинче тухнă пушара сÿнтерме те хăйсен хуçалăх машини тухайманни кунта хăрушсăрлăх тĕлĕшпе малашлăха пăхса ĕçлеменни çинчен калать.
Источник: "Çĕнтерÿ ялавĕ"