30 апреля 2005 г.

Харкашу ырри патне илсе пымасть çав. Акă, апрелĕн 20-мĕшĕнче Вăрăмой ялĕнче хĕрарăм виллине тупнă. Следстви çакна çирĕплетсе панă: упăшки вĕлернĕ.

Çакнашкал тепĕр тĕслĕх апрелĕн 22-мĕшĕнче Çĕньял Хуракассинче пулса иртет. Каллех ватлăха сулăннă арçын арăмне вĕлерет.

Икĕ тĕслĕхĕпе те следстви пырать.

«Сотовăйсем» «тухса тарнă»

«Сотовăй» телефон «чирĕ» сарăлчĕ халь. Унпа пĕрле ăна вăрласси те. Апрелĕн 11-мĕшĕнче 2-мĕш номерлĕ апат-çимĕç магазинĕнче  прилавок айне хунă телефон «ураланнă». Кĕрекаçри куллен кирлĕ таварсене сутмалли магазинта та сутуçăн телефонĕ такамăн кĕсйине куçнă.

Вăй перекетлес тенĕ-ши?

Кĕçех çĕр ĕçĕсем пуçланаççĕ. Килти анкартинче те кун пек чух механизацилеме тăрăшатпăр. Май пур чух. Çак тĕллевпе-ши, урăххипе-ши çак кунсенче «Свободăн» тыр-пул токĕ çинчен топливо çухалнă. Кукăр алăсене тÿрех ярса тытнă.

Источник: "Çĕнтерÿ ялавĕ"