06 апреля 2005 г.
2004 çулхи октябрĕн 1-мĕшĕнче старта илнĕ "Чи лайăх çыру урокĕ" пĕтĕм Раççейри конкурс малалла пырать. Раççей Федерацийĕнчи нумай вĕрентекенсемпе вĕренекенсемшĕн интерес çулне уçнă конкурса пирĕн район çыннисем те, шкул ачисемпе педагогсем те активлă хутшăнасса шанатпăр. Талантлă ачасемпе педагогсене тупса палăртса вĕсене вырăнтах чыслама май пани шкулсен коллективĕсене асăннă конкурса хутшăнма хавхалантармаллах. Конкурсра шкул ачисем валли 5 номинаци: "Письмо моей семье", "Письмо другу", "Письмо Президенту", "Пишу тебе о том, как мы можем построить лучшее будущее", "Письмо ветерану". Учительсем валли - "Лучшая методическая разработка проведения урока письма".
Ачасемпе учительсен чи лайăх ĕçĕсем (виçшер) Чăваш Республикин федераллă почта çыхăнăвĕн управленине кайĕç. Çĕнтерÿçĕсене Мускав кĕтет: 107045 Ананьевский переулок, 4-2, стр.1.
Çĕнтерÿçĕсене паха парнесемпе чыслĕç.
Конкурса Пĕтĕм тĕнчери Почта Кунĕ тĕлне - 2005 çулхи октябрĕн 9-мĕшĕ - пĕтĕмлетĕç.
Источник: "Çĕнтерÿ ялавĕ"