24 ноября 2004 г.
Кăçал - Çамрăксен тата сывă пурнăç йĕркин çулталăкĕ. Ачасен пурнăçне, сывлăхне мĕн пĕчĕкрен упрас, вĕсене сывă пурнăç йĕркине хăнăхтарас тĕллевпе республикăра «Ача садне – сывлăх патне» ятпа смотр-конкурс ирттереççĕ. Вăл ноябрĕн 15-мĕшĕнче пуçласа мартăн 30-мĕшĕччен пырать.
Смотр-конкурсра ЧР Вĕрентÿпе çамрăксен политикин, ЧР Сывлăха сыхлас ĕç министерствисем тата ЧР Патшалăх санэпиднадзор центрĕ ирттереççĕ. Унта шкул çулне çитмен ачасен учрежденисем тата садик ушкăнĕсем пур шкулсем хутшăнаççĕ.
Смотр-конкурс икĕ тапхăрпа, 4 номинаципе иртет, малтан – районсенче, хыççăн – республикăра. Унта – «Чи лайăх ача сачĕ», «Чи лайăх воспитатель», «Чи лайăх медсестра», «Ача сачĕ Урлă – сывă çемье патне» номинацисемпе çĕнтерÿçĕсене палăртаççĕ. Пирĕн районта та смотр-конкурса ирттерме тата хутшăнма район администрацийĕн вĕрентÿ, çамрăксен политикин тата физкультурăпа спорт пайĕ, районти тĕп больница тата патшалăх санэпиднадзор центрĕ пĕрле приказ кăларнă, йĕркелÿ комитетне çирĕплетнĕ.
«Ача садне – сывлăх патне» смотр-конкурсăн положенийĕнче унăн условийĕсене кашни номинаципе тĕплĕн палăртнă. Иртнĕ çул çак смотрçконкусра пирĕн район представителĕсем лайăх вырăнта пулнăччĕ. Кăçал та ăнăçу сунар вĕсене çĕнтерÿсем тума.
Источник: "Çĕнтерÿ ялавĕ"