01 марта 2017 г.
Чăваш Енре ял хуçалăх продукцине туса илекенсене тавар вырнаҫтарма «Нашсельхоз» электронлă лапам пулӑшать.
Республикăн Ял хуҫалӑх министерствинче каланă тӑрӑх, ял хуҫалӑх таварне туса илекен статусĕллĕ предприяти-организацисем унта хăйсем пирки информаци вырнаҫтарма пултараҫҫӗ. Вӗсене районсенчи яваплӑ ӗҫченсем ку енӗпе пулӑшма тивӗҫ. Ҫавсен ятне-шывне, телефонне, электрон адресне министерство сайтӗнче пӗлтернӗ.
Информаци лапамӗшӗн явапли — Чӑваш Енӗн Апат-ҫимӗҫ фончӗ. Электрон лапама ЧР Ял хуҫалӑх министерствин "Нашсельхоз" баннерĕ урлӑ е нашсельхоз.рф каҫӑпа тупма пулать.
Источник: "Хыпар"