03 ноября 2004 г.
Ял çынни çĕнĕлĕхе яланах хапăлласа йышăнать. Акă, кăçал кĕркунне район администрацийĕн пуçлăхĕ Ю. Иванов сентябрь-октябрь уйăхĕсенче кĕрхи çĕртме тăвакан механизаторсем хушшинче конкурс ирттерме тата ĕçсене кашни эрнерех пĕтĕмлетме йышăнни те ĕçлеме хавхалантару çеç пулчĕ. Уйрăмах механизаторсем ăна хапăл туса йышăнчĕç. Йышăнчĕç те ĕçе кÿлĕнчĕç.
Сухаçăсен иртнĕ эрнери ĕçне пĕтĕмлетнинчен çакă курăнать: ДТ-75 тракторпа суха тăвакансем хушшинче 60 гектар сухаласа малти вырăна «Ударник» сăнавлă производство хуçалăхĕнчи Юрий Семенович Иванов механизатор тухнă. Иккĕмĕш вырăнта «Герой» ял хуçалăх производство кооперативĕнчи Николай Евдокимович Евдокимов (55 гектар), виççĕмĕшĕ – «Лидер» обществăри Валерий Петрович Баранов (43 гектар).
Т-150 класлă тракторпа суха тăвакансем хушшинче «Тораево» акционерлă обществăри Николай Димитриевич Тихонов палăрнă. Вăл пĕр эрне 56 гектар çĕртме сухи тунă.
Источник: "Çĕнтерÿ ялавĕ"