25 августа 2004 г.
Ах, çав шашлык шăршине. Кирек епле уявра та сăмсана чи вăйлă кăтăклаканни вăл. Тăраничченех çиес тесен арçынсене икĕ порци те çитмессе пултарать. Кашни кун 70-80 тенкĕлĕх шашлык çисен уйăхĕпе ĕçе йĕм çĕтсе çÿренĕ укçа çитмессе те пултарать çа-ав. Çавăнпа-ши августăн 14-мĕшĕнче пĕрисем çак техĕмлĕ апат хакне йÿнетесшĕн пулнă. Точнăрах каласан, саççим бесплат çиме шутланă: Опрыскъялĕнчи пĕр хуçалăхран сурăхне çавăтнă та кайнă.
Туя хатĕрленнĕ-ши?...
Аппетит та тĕрлĕ çыннăн тĕрлĕрен çав. Пĕрисем çур порци яшкана çăкăрсăр çисех тăранаççĕ, теприсен икĕ блюдине туп-тулли çисен те ăш выртмасть. Августăн 15-мĕшĕнче Ятман магазинне кĕнĕ вăрăсем тем тесен те пĕрремĕш ушкăнранах мар ĕнтĕ. Ĕçме-çимесĕр пуçне супăнь таврашне те кирлĕ мар темĕн чăмтарнă та чăмтарнă алă айне лекнĕ япалисене сумкисене. Ара, мачча çĕмĕрсе çĕр варринче аялалла сиксе пăх-ха - пит-куç вараланмасăр май та çук ĕнтĕ. Халь çав çаратса тухнă 13.351 тенкĕлĕх тавар шутĕнче мĕн-мĕн пуррине сортировка туса пĕтерчĕç пуль-ха. Пакунлисен аллине çаклансан отчет мĕнле тумалли пирки те шутлама вăхăт ĕнтĕ вĕсен.
Хорнуйĕнчи усал "автан"
Çав арçынсем пит юратаççĕ-çке хăйсен вăйне вăйсăррисем çинче кăтартма. Августăн 14-мĕшĕнче, ав, Хорнуйĕнче ашшĕ хĕрачине хĕненĕ. Хам ачапа хам хуçа, тенĕ-ши; Малалла кун пек тума юраманнине пĕлет пуль тесеччĕ: уголовнăй ĕç пуçарнă ку тĕлĕшпе. Çук иккен. Кунпа кăна лăпланман хĕремесленсе кайнă çунатсăр "автан", мĕншĕн тесен следстви органĕсене "КО хĕрарăма çавăншăн ватрăм, КО хĕрачана, ак, çакăншăн тÿпелерĕм* тесе кăтарту парать пуль.
Ÿкĕнет-ши хăть?
Источник: "Çĕнтерÿ ялавĕ"