18 августа 2004 г.
Муниципаллă районăн, ял поселенийĕн чиккисем çинчен тата вĕсене муниципаллă районăн тата ял поселенийĕн статуснне парасси çинчен
Муркаш районĕнчи муниципаллă йĕркеленÿсен чиккине палăртассипе материалсене тата вĕсене муниципаллă район тата ялти поселени статусне парасси çинчен Чăваш Республикин "Чăваш Республикинчи муниципаллă йĕркеленÿсен чиккисене палăртасси тата вĕсене хула округĕн, муниципаллă районăн, хула, ял поселенийĕсен статусне парасси çинчен" Саккунĕпе килĕшÿллĕн пăхса тухса тата 2003 çулхи октябрĕн 6-мĕшĕнчи 131-Ф3 номерлĕ "Раççей Федерацийĕнче вырăнти самоуправление йĕркелемелли пĕтĕмĕшле принципсем çинчен "Федераллă саккунпа килĕшÿллĕн депутатсен районти Пухăвĕ çапла йышăннă:
1. Муркаш районĕнчи муниципаллă йĕркеленÿсен чиккине тата вĕсене муниципаллă районăн, ял поселенийĕн статусне парассине ырлас.
2. Чăваш Республикинчи Патшалăх Канашĕ умне Муркаш районĕнчи административлă территори чиккинчен тухмасăр муниципаллă район тата ял поселенийĕсен чиккисене палăртма, вĕсене кĕрекен ялсене кĕртсе, вĕсен чиккисене картографи мелĕпе çырса кăтартнине тата 1-3№№ приложенийĕсенчи схема карттине шута илсе палăртма тата Муркаш районĕнчи муниципаллă район тата ял поселенийĕсен статусне пама ыйтас.
3. Чăваш Республикин "Чăваш Республикинчи административлă территори йĕркеленĕвĕ çинчен" Саккунăн 20 статйипе килĕшÿллĕн Чăваш Республикин Министрсен Кабинетне çакна çирĕплетме ыйтас.
4. Чăваш Республикин Патшалăх Канашĕнче тата Чăваш Республикин Министрсен Кабинечĕн ларăвĕнче Муркаш районĕн муниципаллă йĕркеленĕвĕсен чиккисене палăртас тата вĕсене муниципаллă район, ял поселенийĕсен статусне парас пирки ыйтусене пăхса тухнă чухне вĕсене хутшăнма районти самоуправлени пуçлăхне Юрий Александрович Иванова ярас.
Источник: "Çĕнтерÿ ялавĕ"