Публикации » Тутлă çимĕç хуçисем

17 июля 2004 г.

Мăн Сĕнтĕрте пурăнакансем пылак çиме юратаççĕ çав. Тĕплĕ юсав ĕçĕсем хыççăн кондитер цехĕнче торт-пирожнăйсем тума пуçлани савăнăç пулчĕ. Тутлă çимĕç хуçисем хатĕрлекен продукцине çийĕнчех туянса пĕтерни те Мăн Сĕнтĕрти кафере кондитерсем хăйсем ĕçне пĕлнине çирĕплетсе парать. Пурĕ 4ăн ĕçлеççĕ вĕсем кунта. В.А. Цветковапа Л.Д. Сапожникован  ĕç стажĕ 20 тата 28 çул. Чунне парсах вăй хураççĕ вĕсем. И.В. Михайловапа О.А. Варюхина хăйсем çакăн пек пултаруллă наставниксемпе ĕçлеме май килнĕшĕн савăнаççĕ. Туслă коллектив вара тутлă çимĕçсене 22 тĕрлине хатĕрлет.

Источник: "Çĕнтерÿ ялавĕ"