03 июля 2004 г.
Ăçтан кăна йышăнмарĕ-ши çуллахи ял спорт вăййисен Пĕтĕм Раççейри 5-мĕш ăмăртăвĕсене юратнă Шупашкарăмăр? Пĕтĕм Раççейри 62 регионтан 4 пине яхăн спортсмена тараватлăн хапăл турĕ Чăваш Ен.
Утă уйăхĕн 1-мĕшĕнче «Олимпийский» стадионра савăнăçлă лару-тăрура уçăлчĕ Ял вăййисен 1-мĕш кунĕ. Ăна уçма Чăваш Республикин президенчĕ Н.Федоров, 5-мĕш вăйăсен йĕркелÿ комитечĕн председателĕ- Раççей Федерацийĕн ял хуçалăх министрĕ А.Гордеев, Физкультура, спорт тат а туризмăн Федераци агентствин ертÿçи, Олимп вăййисен икĕ хут чемпионĕ В.Фетисов тата С.Гапликов премьер-министр т. ыт. те хутшăнчĕç.
Пирĕн районтан çак çуллахи ял вăййисене Уйкас Янасал ял администрацийĕн хастар çамрăк спортсменĕсем хутшăнаççĕ: О.Давыдовпа А.Петров(Ваçкасси ялĕ), А.Макаров(Сосновка ялĕ). Пурте вĕсем Чăваш Республикин пĕрлештернĕ командинче вырăс лапти выляса хăйсем мĕн пултарнине кăтартĕç. Олег Давыдов вара 4енпе ăмăртмалли çуллахи спорт вăййисене те хутшăнать.
Ăнăçу тата чăтăмлăх сунатпăр ентешсене!
Источник: "Çĕнтерÿ ялавĕ"