08:57 05 декабря 2018 г.
Хаклă çыннăмăрсем! Ентешсем!
Сире пурне те Ырă ĕç тăвакан кунĕ ячĕпе чун-чĕререн саламлатпăр.
Çак уява кăçалхипе 2-мĕш çул паллă тăватпăр. Çакă хăех пире пĕр-пĕрине ырă кăмăллăрах пулмалли, пĕр-пĕрне пулăшмалли çинчен аса илтерет.
Ырă ĕç тăвакансен юхăмĕ пирĕн районта та сарăлсах пырать. Уйрăмах унта çамрăксем нумай. Вĕсем районта иртекен мĕнпур мероприятисене хутшăнаççĕ. Çавăн пекех ватăсене пулăшаççĕ. Тăван тавралăха тирпей-илем кĕртмелли, сывă пурнăç йĕркине пропагандăлакан тата ытти акцисене хутшăнаççĕ.
Пĕр-пĕрне ăнланса, пĕр-пĕринпе килĕштерсе пурăнсан, ÿсĕмсем тума та çăмăлтарах. Малашне те пĕрлех тăван район аталанăвĕшĕн тăрăшасчĕ. Ыттисене ырă туни хăвăр патăра та ырăпах таврăнтăр. Сывлăхăр яланах çирĕп пултăр. Кунçулăр вăрăм та телейлĕ килтĕр.
Район пуçлăхĕ – депутатсен районти
Пухăвĕн председателĕ И.В. Николаев
Район администрацийĕн пуçлăхĕн
пĕрремĕш çумĕ – экономика,
АПК аталанăвĕн тата муниципаллă
харпăрлăх ыйтăвĕсемпе ĕçлекен
управлени пуçлăхĕ А.А . Миронов
Моргаушский район Чувашской Республики