19:42 09 марта 2017 г.
Хĕрарăм тĕнче умĕнче
Мăнаçлăн, сăваплăн янрать!
Чечекĕн курнать çĕр çинче,
Малашлăх çулне вăл тăсать…
(Маргарита Гурьева)
Çурхи чи илемлĕ уяв ячĕпе, Пĕтĕм тĕнчери хĕрарăмсен кунне халалласа, Катькас ял библиотекинче «Ларма» ушкăна çÿрекенсем валли «Яту янравлă сан, хĕрарăм!» ятпа кану каçĕ иртрĕ. А. Угарова библиотекарьпе ялти Культура çурчĕн илемлĕх ертÿçи Н. Кондукторова тĕрлĕ конкурссем йеркелерĕç. А. Угарова хĕрарăмсене саламланă май аннесем çинчен поэтсем çырнă сăвăсене вуларĕ, мартăн 8-мĕшĕн уяв историне каласа пачĕ. «Тавах сана, аннеçĕм» ятлă кĕнеке куравĕпе паллаштарчĕ. Зинаидăпа Василий Пузырёвсем, «Çăлкуç» пултарулăх ушкăна çÿрекенсем, уяв ячĕпе илемлĕ юрăсем парнелерĕç.
Н. Кондукторова ертсе пынипе чăваш юррисене те шăрантартăмăр. Мероприятие çавра сĕтел хушшинче чей ĕçнипе вĕçлерĕмĕр, кашнине уяв ячĕпе парнесем парса савăнтартăмăр.
Территориальный отдел "Кадикасинский" Управления по благоустройству и развитию территорий администрации Моргаушского муниципального округа Чувашской Республики