Поздравление главы администрации Моргаушского района Ю.А. Иванова с Праздником Весны и Труда

Муркаш районĕн хисеплĕ çыннисем!

Сире пурне те Çуркуннепе Ĕç уявĕ ячĕпе чун-чĕререн саламлатăп. Çуркунне пĕтĕм тавралăх чĕрĕлет, çут тĕнче татах та илемленет.  Çакăн пек вăхăтра чун-чĕре шанăçпа тулать, ĕмĕтсем çунат хушаççĕ,  татах та лайăхрах пурăнас килет. Шухăшлани пурнăçа кĕтĕр тесен вара пирĕн  пĕр-пĕрне ăнланма, каçарма пĕлмелле. Хамăрăн пурнăç тата та тулăхрах та ăнăçлăрах пултăр тесе пирĕн пурин те  пĕр тĕллевпе ĕçлемелле. Кун пек чух йывăрлăхсене çĕнтерме те, палăртнине пурнăçлама та çăмăлрах.  Вара районăмăр тата та  пуянрах, илемлĕрех пулĕ. Çĕршывăмăр та кунран кун вăйлансах пырĕ, çынсен пурнăçĕ тулăхрах пулĕ.

Сире пурне те çирĕп сывлăх, вăрăм кунçул сунатăп.  Ĕмĕтĕрсем çитсе пыччăр, тĕллевĕрсем пурнăçа кĕччĕр. Ăнăçу пурнăç çулне уçсах пытăр. Çемйĕрсенче килĕшÿпе тату пурнăç хуçалантăр.